Մեսսին ու Ռոնալդուն լավագույններն են, իսկ ես դեռ անուն եմ ձեռք բերում. Ռադամել Ֆալկաո
«Ատլետիկո Մադրիդի» հարձակվող Ռադամել Ֆալկաոն գնահատել է Եվրոպայի լավագույն ֆուտբոլիստի մրցանակին արժանանալու իր շանսերը:
«Մեսսին ու Ռոնալդուն, անկասկած, լավագույն ֆուտբոլիստներն են աշխարհում: Նրանք անհավանական խաղացողներն են, ու ես երջանիկ եմ, որ նրանց ժամանակակիցն եմ, քանի որ կարող եմ հիանալ նրանց հանճարեղությամբ:
Ինչ վերաբերվում է ինձ, ես դեռ նոր եմ անուն ձեռք բերում: Անցած մրցաշրջանը ինձ համար շատ լավ դասավորվեց: Ես խաղում էի Իսպանիայի ոչ ամենաուժեղ թիմում ու կարողացա արժանիորեն հանդես գալ:
«Ատլետիկոն» իր առաջ լուրջ խնդիրներ է դնում: Մենք մտադիր ենք զբաղեցնել ինչքան հնարավոր է բարձր տեղ ու դուրս գալ Չեմպիոնների լիգա: Շատ եմ ուզում թիմիս հետ միասին խաղալ այդ մրցաշարում», – Ֆալկաոյի խոսքերն է մեջբերում Goal.com-ը:
Հիշեցնենք, որ Եվրոպայի լավագույն ֆուտբոլիստի անունը հայտնի կդառնա օգոստոսի 30-ին, երբ կկայանա նաև Չեմպիոնների լիգայի խմբային փուլի վիճակահանությունը:
Մարզական լրահոսն ապահովում է SportArmenia.com-ը
