Գյուղատնտեսության ոլորտում խնդիրներ կան
«Կան շատ խնդիրներ, որոնք տարիներ շարունակ կուտակվել են, և լուծում են պահանջում»,- այսօր լրագրողների հետ հանդիպման ժամանակ ասաց ՀՀ գյուղատնտեսության նախարար Սերգո Կարապետյանը: « Դրանք գտնվում են ամենօրյա ուշադրության կենտրոնում, և այդ ուղղությամբ լուրջ աշխատանքներ են կատարվում: Այս տարվա փորձից ելնելով կառավարության կողմից տրվել է հանձնարարական մշակել վերամշակող ճյուղի ռազմավարական ծրագիր առաջիկա 5 տարիների համար»,- ասաց նախարարը: Նախարարի խոսքով, արդեն ձևավորվել է աշխատանքային խումբ, որը զբաղված է այդ խնդիրներով: «Այդ խմբում ներառված են գերատեսչությունների աշխատողներ, մասնագետներ: Այդ հարցը մենք լուրջ քննարկաման առարկա ենք դարձրել»,- ասաց Ս. Կարապետյանը՝ չկոնկրետացնելով, սակայն, թե ինչ լուրջ խնդիրներ են կուտակվել ոլորտում և ում (կամ ինչի) պատճառով:
