ԲԱՏԷ-ն հնարավոր հակառակորդներից ամենաքիչ սեքսուալն է. Հապոելի մարզիչ
«Հապոելի» գլխավոր մարզիչ Գիլի Լանդաուն Չեմպիոնների լիգայի որակավորման փուլի փլեյ-օֆֆում Բորիսովի ԲԱՏԷ-ի հետ հանդիպման նախաշեմին հայտարարել է, որ իր թիմը կցանկանար մրցել ավելի հարուստ պատմություն ունեցող ակումբի հետ:
«Մենք երիտասարդ ակումբ ենք և քիչ փորձ ունենք: Բացի այդ, մրցակցից տարբերվում ենք ֆինանսական առումով: Որպեսզի մենք հաջողության հասնենք, մի քանի գործոններ են պետք` ֆունկցիոնալ պատրաստվածություն, տեխնիկա, խելք:
Մենք պետք է օգտագործենք մեր առավելությունները ու ճնշենք մրցակցին նրանց թերությունների հաշվին: Ես երբեք չեմ ասել, որ ԲԱՏԷ-ն ամենացանկալի մրցակիցն է: Հնարավոր հակառակորդներից ԲԱՏԷ-ն ամենաքիչ սեքսուալն է այն առումով, որ կան ավելի վառ պատմությամբ ու ավանդույթներով ակումբներ:
Բայց մենք գնահատում ու հարգում ենք մեր մրցակցին», – մարզչի խոսքերն է մեջբերում Pressball-ը:
Մարզական լրահոսն ապահովում է SportArmenia.com-ը
