Դիանա Սիրունյանին չեն վիրահատել, կատարվել է փոքր միջամտություն
Քիչ առաջ ՀՀ առողջապահության նախարարի մամուլի քարտուղար Անահիտ Հայթայանը 168.am-ի հետ հեռախոսազրույցում տեղեկացրեց, որ Սուրեն Սիրունյանի դստերը` Դիանա Սիրունյանին չեն վիրահատել, ինչպես հաղորդել են մի շարք լրատվամիջոցներ: Ըստ Հայթայանի, ընդամենը կատարվել է փոքր միջամտություն: «Քանի որ բազմակի կոտրվածքներ էին եղել, այդ թվում` ազդոսկրերը, և մինչ այժմ ձգման տակ էին գտնվում, այսօր այդ ձգումը փոխարինել են շտիֆտերով»,- ասաց Ա. Հայթայանը: Ըստ նրա` Դիանայի առողջական վիճակը դեռ ծայրահեղ ծանր է:
