Բասկետբոլի Եվրոպայի առաջնության 22 մասնակից հիվանդացել են սալմոնելոզով
Եվրոպայի կանանց բասկետբոլի առաջնության (մինչև 20 տարեկան) ավելի քան 20 մասնակից ախտահարվել է աղեստամոքսային վարակով Հունգարիայի Դեբրեցեն քաղաքում։ Բժիշկների նախնական հետազոտությունը թույլ է տվել հայտարարել, որ խոսքը գնում է սալմոնելոզի մասին։ Ընդհանուր առմամբ, հիվանդացել է 32 հոգի, որոնցից 10-ը պատվիրակությունների անդամներ են։ Մասնագետները նշել են, որ նրանք բոլորը միասին մասնակցել են մրցաշարի բացման արարողությանը նվիրված ճաշին։ Այս մասին հաղորդում է RIA-Novostiգործակալությունը։
Մարզական լրահոսն ապահովում է SportArmenia.com-ը
