Լիոնել Մեսսի. Այս մրցաշրջանում մենք ցանկանում ենք նվաճել բոլոր տիտղոսները
«Բարսելոնայի» հարձակվող Լիոնել Մեսսին Իսպանիայի առաջնության 1-ին տուրի «Ռեալ Սոսյեդադի» նկատմամբ 5:1 հաշվով առավելության հասնելուց հետո խոսել է թիմի նպատակների, իր խաղի և հարձակվող Դավիդ Վիլյայի հաջող վերադարձի մասին:
«Այս մրցաշրջանում ցանկանում ենք նվաճել բոլոր տիտղոսները: Մենք ունենք հաղթողի մտածելակերպ: Գիտեմ, որ դա դժվար կլինի անել, բայց մենք կձգտենք անել առավելագույնը: Նախկինի պես վստահ ենք մեր ուժերին:
Ինչ վերաբերում է խաղին, ապա մեր փիլիսոփայությունը չի փոխվել: Աշխատում ենք բաց չթողնել գնդակը: Այսօր մենք դա ցույց տվեցինք: Ուրախ եմ, որ Վիլյան վերադարձավ: Անցած տարի շատ էինք կարոտում նրան, չէ՞ որ նա մի խաղացող է, ով միշտ շատ գոլերի հեղինակ է դառնում», – արգենտինացու խոսքերն է մեջբերում El Mundo Deportivo-ն:
Մարզական լրահոսն ապահովում է SportArmenia.com-ը
