Վալդեսը և Դել Օրնոն մեղադրվում են խարդախության մեջ
«Բարսելոնայի» դարպասապահ Վիկտոր Վալդեսը և «Չելսիի», «Լևանտեի», «Վալենսիայի» ու Բիլբաոյի «Ատլետիկի» նախկին խաղացող Ասյեր դել Օրնոն մեղադրվում են խարդախության մեջ:
Երկու ֆուտբոլիստներն էլ մեղադրվում են փաստաթղթերը կեղծելու մեջ: Ինչպես գրում է AS-ը, նրանք իրենց անձնագրերը տրամադրել են մի երրորդ կողմի` զբոսանավ վարելու արտոնագիր ստանալու համար:
Կատալոնացիների դարպասապահը հերքել է իր մեղքը, սակայն չի կարողացել որևէ կերպ բացատրել երրորդ կողմի մոտ իր անձը հաստատող փաստաթղթի առկայությունը: Այդուհանդերձ սպասվում է, որ Դել Օրնոն կընդունի իր մեղքը:
Մարզական լրահոսն ապահովում է SportArmenia.com-ը
