Մանչեսթեր Յունայթեդը 22,5 մլն ֆունտ ստերլինգ կվճարի վան Պերսիի տրանսֆերի համար
Երեկ մենք տեղեկացրել էինք, որ «Մանչեսթեր Յունայթեդը» և «Արսենալը» պայմանավորվել են հարձակվող Ռոբին վան Պերսիի տրանսֆերի հարցով:
29-ամյա հոլանդացու տրանսֆերի համար «Մանչեսթեր Յունայթեդը» կվճարի 22,5 մլն ֆունտ ստերլինգ: Եվս 1,5 մլն «Արսենալը» կստանա բոնուսների տեսքով այն դեպքում, եթե առաջիկա չորս տարիների ընթացքում «Մանչեսթեր Յունայթեդը» հաղթի Անգլիայի առաջնությունը կամ Չեմպիոնների լիգան: Այս մասին հաղորդում է BBC-ն:
Ինքը՝ Վան Պերսին, առաջիկա 48 ժամերի ընթացքում պայմանագիր կկնքի «կարմիր սատանաների» հետ, որը կգործի մինչև 2016 թվականը:
Մարզական լրահոսն ապահովում է SportArmenia.com-ը
