Դավիթ Մանոյան. Այս խաղում մեզ եմ ֆավորիտ համարում
Հայաստանի հավաքականի բաց մարզումից հետո SportArmenia-ն կարճ զրույց ունեցավ 21-ամյա կիսապաշտպան Դավիթ Մանոյանի հետ, ով վերջերս պայմանագիր է ստորագրել Կրասնոդարի «Կուբանի» հետ:
-Դավիթ, ինչպե՞ս են ակումբային գործերդ, «Կուբանը» դեռ պաշտոնապես չի հայտարարել քո տրանսֆերի մասին…
-Երեք տարով պայմանագիր ենք ստորագրել: Թիմի հետ եմ մարզվում: Վնասվածքից հետո հիմա նորից ընդհանուր խմբում եմ: Պարզապես դեռ հայտացուցակում ընդգրկված չեմ, դա է պատճառը:
-Հավաքականի կազմում վաղը մրցելու ես Բելառուսի դեմ, ի՞նչ կասես մրցակցի մասին:
-Ինչ խոսք, շատ լավ թիմ է: Գիտենք, որ նրանց երիտասարդականը մասնակցեց Օլիմպիադային և լավ տպավորություն թողեց: Բայց այս խաղում մեզ եմ ֆավորիտ համարում:
-Իսկ քո ֆունկցիոնալ վիճակն ինչպե՞ս կգնահատես:
-Չեմ ասի, որ կատարյալ մարզավիճակում եմ: Երկար ժամանակ չեմ խաղացել 90 րոպե: Բայց ուժերիս սահմաններում կանեմ ամեն ինչ:
Մարզական լրահոսն ապահովում է SportArmenia.com-ը
