Բելառուսին զրկեցին ոսկե մեդալից․ Լոնդոն 2012
Բելառուսցի թեթևաթլետուհի Նադեժդա Օստապչուկը զրկվել է Օլիմպիական խաղերի ժամանակ նվաճած ոսկե մեդալից։ Ինչպես հաղորդում է Միջազգային օլիմպիական կոմիտեի պաշտոնական կայքը, Լոնդոնի օլիմպիական խաղերի ժամանակ գնդի հրման մրցումներում չեմպիոն հռչակված մարզուհու դոպինգ-թեստը տվել է դրական պատասխան, նրա արյան մեջ հայտնաբերվել արգելված խթանիչ՝ մեթենոլոն։
Այս մրցումների ժամանակ երկրորդ տեղ զբաղեցրած նորզելանդուհի Վալերի Ադամսը կստանա ոսկե, բրոնզե մեդալ նվաճած ռուսաստանցի մարզուհի Եվգենիյա Կոլոդկոն՝ արծաթե, իսկ չորրորդ տեղը զբաղեցրած չինուհի Լիջիաո Կոնգը՝ բրոնզե մեդալ։
Մարզական լրահոսն ապահովում է SportArmenia.com-ը
