Հայաստանը մնաց 3 մեդալով. Լոնդոն 2012
Օլիմպիական գորգում շարունակվում են ազատ ոճի ըմբշամարտի մրցումները: Մինչև 66 կգ քաշային կարգում հանդես եկող ղազախ Ակժուրեկ Տանատարովը, ով քառորդ եզրափակչում մրցավարների կասկածելի որոշմամբ առավելության հասավ Հայաստանի ներկայացուցիչ Դավիթ Սաֆարյանի նկատմամբ, կիսաեզրափակչում պարտություն կրեց հնդիկ Սուշիլ Կումարից, ինչը նշանակում է, որ Հայաստանի վերջին ներկայացուցիչը զրկվեց բրոնզե մեդալի համար պայքարելու իրավունքից:
Այսպիսով, Հայաստանի ներկայացուցիչներն ավարտեցին իրենց ելույթները 30-րդ Օլիմպիական խաղերում: Մեր օլիմպիական հավաքականը Լոնդոնում ընդամենը 3 մեդալ նվաճեց` 2 բրոնզե և 1 արծաթե: Հայաստանը ներկայացնող մարզիկներին SportArmenia-ն կանդրադառնա առաջիկայում։
Մեր մարզիկների արդյունքներին կարող եք ծանոթանալ SportArmenia-ի այս էջում, որն Օլիմպիական խաղերի ժամանակ արագ թարմացումների միջոցով ծանոթացնում էր ընթերցողին Հայաստանը ներկայացնող մարզիկների մրցելույթների ընթացքին։
Մարզական լրահոսն ապահովում է SportArmenia.com-ը
