Կական պատրաստ է գնալ զիջումների

Արդեն մի քանի շաբաթ է, ինչ մարզական պարբերականների առաջին էջերում տեղեկություններ են հայտնվում Մադրիդի «Ռեալի» բրազիլացի կիսապաշտպան Կակայի մասին։ Նրա տեղափոխությունը «Ռեալից» «Միլան» այդպես էլ չի կայանում, ինչը զանազան ասեկոսեների տեղիք է տալիս։

Տեղափոխության հիմնական խոչընդոտներից մեկն էլ այն է, որ Կական շատ բարձր աշխատավարձ է ստանում մադրիդյան ակումբում (9 մլն եվրո), ինչը միլանցիներն իրենց չեն կարող թույլ տալ։ Ինչպես այսօր գրում է La Gazetto dello Sport-ը, բրազիլացին համաձայնել է ստանալ ավելի ցածր աշխատավարձ։ Թերթի տեղեկութոյւններով՝ Կական «ռոսոներիի» կազմում իր նախկին խաղընկերներին ասել է, որ պատրաստ է գնալ այդ քայլին, որպեսզի տեղափոխվի Իտալիա։

Մարզական լրահոսն ապահովում է SportArmenia.com-ը