Վիլանովան մեծ ճնշման կենթարկվի. Մասկերանո
«Բարսելոնայի» կիսապաշտպան Խավիեր Մասկերանոն կարծում է, որ թիմի գլխավոր մարզիչ Տիտո Վիլանովան առաջիկա մրցաշրջանում մեծ ճնշման կենթարկվի:
«Վիլանովայի վրա մեծ ճնշում կգործադրվի, քանի որ նա չի կարող խուսափել Գվարդիոլայի հետ համեմատությունից: Մամուլի ուշադրությունն ուղղված կլինի Տիտոյին, քանի որ վերջերս նա միայն մարզչի օգնական էր, իսկ այժմ «Բարսայի» պես թիմի գլխավոր մարզիչն է», – Մասկերանոյի խոսքերը մեջբերում է AS-ը:
Հիշեցնենք, որ վերջերս արգենտինացի կիսապաշտպան Խավիեր Մասկերանոն երկարաձգեց «Բարսելոնայի» հետ պայմանագրի ժամկետը մինչև 2016թ.:
Մարզական լրահոսն ապահովում է SportArmenia.com-ը
