«Չեռնոմորյան խաղեր» փառատոնում հաղթել է հայ աղջնակը
Ուկրաինական մանկական փառատոնի գլխավոր մրցանակն առաջին անգամ լքել է կազմակերպիչ երկրի տարածքը։ Վոկալի մրցույթի գրան-պրիին արժանացել է Հայաստանը ներկայացնող 14-ամյա Պատրիցան։ Ուկրաինական ԶԼՄ-ները նշում են, որ աղջնակն իր անսովոր հյութեղ ձայնով կախարդել էր հանդիսականներին։
«Չեռնոմորյան խաղերն» Ուկրաինայի ամենագեղեցիկ և վառ փառատոներից մեկն է։ Հենց այս փառատոնն է ճանապարհ հարթել շոու-բիզնեսի այնպիսի աստղերի համար, ինչպիսիք են Նաստյա Կամենսկիխը, Ալեքսանդր Պանայոտովը և Թինա Կարոլը։
Փառատոնին այս տարի մասնակցում էին ավելի քան 2000 երեխաներ՝ Ուկրաինայից, Ռուսաստանից, Բելառուսից, Ռումինիայից, Մոլդովայից և Հայաստանից։
