Պիկետ նախագահականի դիմաց` ՀԱԿ ակտիվիստներին ազատ արձակելու պահանջով
«Ազատում ենք Կոնգրեսի երիտասարդներին» նախաձեռնության անդամների հայտարարության համաձայն այսօր ժամը 17:00-ին, նախագահական նստավայրի դիմաց տեղի կունենա պիկետ:
Նախաձեռնության անդամների պահանջներն են.
1. Արդարացնել Հայ ազգային կոնգրեսի 4 ակտիվիստներին՝ Արտակ Կարապետյանին, Դավիթ Քիրամիջյանին, Տիգրան Առաքելյանին, Սարգիս Գեւորգյանին
2. Ազատ արձակել Տիգրան Առաքելյանին
3. Կարճել ՀԱԿ մյուս երիտասարդների` Վահագն Գևորգյանի, Սահակ Մուրադյանի և Արեգ Գևորգյանի նկատմամբ հարուցված քրեական գործը, որը դեռևս գտնվում է ՀՔԾ վարույթում
4. Պատժել երիտասարդների և նրանց փաստաբանների նկատմամբ բռնություն գործադրած ոստիկաններին
5. Պատասխանատվության ենթարկել կեղծ ցուցմունքներ տված ոստիակնության ծառայողներին, կեղծ ցուցմունքի դրդչություն կատարած պաշտոնատար անձանց:
