Կապանի ջուրը վտանգավո՞ր է
Կապանի Վահանավանք համատիրության նախագահ Հովհաննես Ծատուրյանը 168.am-ի հետ զրույցում նշեց, թե Կապանի ջրի որակը լուրջ մտահոգությունների տեղիք է տալիս: Ըստ նրա՝ վերջին մի քանի օրերի անձրևային եղանակներից հետո ջրի որակը կտրուկ վատացել է: «Անգամ թեթևակի անձրևների դեպքում ջրի գույնը խիստ փոխվում է, մարդիկ նույնիսկ վախենում են լողանալ այդ ջրով: Իմ տեղեկություններով՝ բնակիչները ժամանակին վճարում են ջրի վարձավճարները, սակայն ջրի հարցը մատնել են անուշադրության: Ի վերջո, այդ հարցը պետք է վերանայել: Դա վտանգ է ներկայացնում»,- ասաց Հովհանենս Ծատուրյանը:
