ԱՄՆ-ի ու Թուքիայի ղեկավարները Սիրիայի հարցով հեռախոսազրույց են ունեցել
ԱՄՆ նախագահ Բարաք Օբաման ու Թուրքիայի վարչապետ Ռեջեփ Թայիփ Էրդողանը հեռախոսազրույց են ունեցել Սիրայի հարցով և քննարկել այդ երկրում ընթացող վերջին իրադարձությունները։
Նրանք ընդգծել են, որ Սիրիայում ժողովրդավարական անցմանն ուղղված աջակցություն ցուցաբերել է պետք, և իրենք մշտական կապի մեջ են լինելու սիրիացի ընդդիմադիրների հետ:
Ըստ թուրքական «Անադոլու» գործակալության, երկու ղեկավարները նշել են, որ սիրիացի ժողովրդի «արդար» պահանջների իրականացման գործընթացն արագացնելու համար ԱՄՆ-ը և Թուրքիան միավորելու են ջանքերը:
«Երկու առաջնորդները նշել են, որ Հալեպում սիրիական ռեժիմն իր ժողովրդի դեմ հարձակումներ է իրականացնում և այդ վայրագության պատճառով մտավախություն կա, որ Սիրիայում մարդկանց վիճակն ավելի կվատանա»,- ասված է Էրդողանի գրասենյակի տարածած հաղորդագրության մեջ:
Էրդողանն ու Օբաման խոսել են նաև Թուրքիայում և հարևան երկրներում ապաստանած սիրիացի փախստականներին օգնելու մասին:
