Իշխանությունները ցանկանում են «փակել» Սանկտ-Պետերբուրգը
Սանկտ-Պետերբուրգի Օրենսդրական Ժողովի պատգամավորները պատրաստել են «Ժողովների, հանրահավաքների, երթերի և պիկետների մասին» քաղաքային օրենքում փոփոխություններ կատարելու մասին փաթեթ, որի ընդունման դեպքում Ռուսաստանի երկրորդ քաղաքում գործնականում կարող են արգելվել բողոքի բոլոր ակցիաները: Պատգամավորներն առաջարկում են կրճատել բողոքի ակցիաների համար նախատեսված վայրերի ցուցակը, մասնավորապես` արգելել հանրահավաքների ու երթերի կազմակերպումը քաղաքի գրեթե բոլոր կենտրոնական հրապարակներում, այգիներում ու փողոցներում: Ընդդիմության ներկայացուցիչները հայտարարել են, որ այդ փոփոխությունները հակասում են ՌԴ Սահմանադրությանը:
