Երկրաշարժ Հայաստան – Թուրքիա – Իրան սահմանի մոտ
Այսօր՝ հուլիսի 28-ին, ժամը 16.35-ին տեղեկություն է ստացվել, որ տեղական ժամանակով ժ.15:51-ին Հայաստան – Թուրքիա – Իրան սահմանային գոտում՝ Արարատ քաղաքից 20 կմ դեպի հարավ, տեղի է ունեցել 3,8 մագնիտուդով երկրաշարժ, որի ուժգնությունը էպիկենտրոնային գոտում կազմել է 5 բալ: Երկրաշարժի հիպոկենտրոնը գտնվում է 10 կմ խորության վրա: Ժամը 16.14-ին երկրաշարժին հետևել է 2.4 մագնիտուդով հետցնցում:
ԱԻՆ լրատվական ծառայությունը նշում է, որ երկրաշարժը չի զգացվել Հայաստանի Հանրապետության տարածքում:
