Հայկական կիսավեր եկեղեցին պարբերաբար թալանվում է ու անարգվում
Էրզրումի Ազիզիիե շրջանի Գեզ գյուղի հայկական եկեղեցին որպես ախոռ է օգտագործվում, տեղեկացնում է թուրքական Sondakika կայքը: Եկեղեցին պարբերաբար գանձ որոնողների թիրախում է հայտնվում ու հարձակումների ենթարկվում: Եկեղեցուց գողացվել է հնարավոր ամեն ինչ` մուտքի դռնից մինչև սրբապատկերներ:
Ըստ թուրքական կայքի՝ մարդիկ իրենց մտահոգությունն են հայտնել նահանգի Մշակույթի և զբոսաշրջության վարչությանը ու նաև նշել են, որ եկեղեցում չի մնացել ոչ մի վիմագրություն կամ սրբապատկեր, բայց իրենց գիտենալով եկեղեցին կառուցել են հայերը:
