Տաջիկստանում արգելափակել են YouTube-ը
Տաջիկստանի իշխանություններն արգելափակել են մուտքը դեպի ամենահեղինակավոր տեսապորտալ` YouTube: Ինչպես հաղորդում է MIGnews.com-ը, Տաջիկստանի օգտատերերը չեն կարողանում դիտել պորտալի տեսանյութերը: Օգտատերերը համոզված են, որ դա կապված է Տաջիկստանի Լեռնային Բադախշան ինքնավար տարածաշրջանում օրերս տեղի ունեցած բախումների հետ, որտեղ իրավիճակը շարունակում է լարված մնալ, քանի որ YouTube-ում պարբերաբար հայտնվում էին բախումների մասին պատմող տեսանյութեր: Ըստ հաղորդագրությունների` այդ բախումների ժամանակ մոտ 100 զինվորական և նույնքան էլ խաղաղ բնակիչ է մահացել:
