Վրաստանում օդի ջերմաստիճանն անցել է 40-ի սահմանը
Երեկ Կենտրոնական Վրաստանում գրանցվել է այս տարվա համար ռեկորդային բարձր ջերմաստիճան՝ 41 աստիճան: Այս մասին, ըստ «Ինտերֆաքսի», լրագրողներին հայտնել է Եղանակի մոնիթորինգային կենտրոնը:
Մեկ աստիճան ցածր ջերմաստիճան է գրանցվել Քութայիսում, իսկ Թբիլիսիում օդի ջերմաստիճանը հասել է 37 աստիճանի: Օդերևութաբանների խոսքերով՝ ողջ Վրաստանում բարձր ջերմաստիճանը կպահպանվի առաջիկա երեք օրերին: Ջերմաստիճանը հատկապես բարձր կլինի Արևմտյան Վրաստանում, ուր այն կարող է գերազանցել անգամ 40 աստիճանի սահմանագիծը:
