Դասալիք գեներալին Ասադին փոխարինող են պատրաստում
Թուրքիայի արտգործնախարար Ահմեթ Դավութօղլուն ընդունել է սիրիացի դասալիք գեներալ Մանաֆ Թլասին, ով Սիրիայի նախագահ Բաշար ալ Ասադի մանկության ընկերն է եղել:
Պաշտոնական ընթրիքից առաջ Դավութօղլուն և Թլասը կարճատև զրույց են ունեցել լրագրողների հետ: Հանդիպումը տևել է մոտ մեկ ժամ: Այդ ընթացքում քննարկվել է թուրք-սիրիական սահմանին քրդերին տեղակայելու նախագահ Բաշար ալ Ասադի սցենարը:
Թլասը նաև Դավութօղլուին տեղեկություներ է տվել Սիրիայի քիմիական զենքի մասին:
«Պետք է քանդվի ոչ թե պետությունը, այլ իշխող ռեժիմը»,- ասել է Թլասը:
Նա համարվում է Ասադի հնարավոր տապալումից հետո Սիրիայի ժամանակավոր կառավարության ղեկավարի ամենահավանական թեկնածուներից մեկը:
