Մեքենաների ներմուծումը նվազել է
Ըստ ՊԵԿ Մաքսային ծառայության հրապարակած տվյալների` 2012 թվականի առաջին կիսամյակի ընթացքում Հայաստան է ներկրվել 15.155 ավտոմեքենա, որոնց մաքսազերծման նպատակով ներմուծողները պետբյուջեն են վճարել ընդհանուր առմամբ 18.1 մլրդ դրամ: Անցյալ տարվա նույն ժամանակահատվածի համեմատ` ներմուծված մեքենաների թիվն աճել է 9%-ով, որին համընթաց` աճել են նաև մաքսազերծման գումարները`21%: Ռուսական արտադրության մեքենաների ներմուծումն անցյալ տարվա համեմատ նվազել է 44%-ով, սակայն մաքսազերծման գումարները ոչ միայն չեն նվազել, այլ հակառակը` ավելացել են 1%-ով: Առաջին կիսամյակում ՀՀ ներմուծվել է 617 հատ ռուսական արտադրության մեքենա` 593 մլն դրամ մաքսազերծման գումարով:
