Րաֆֆի Հովհաննիսյանն անձեռնմխելի է
168.am-ի հետ զրույցում ասաց «Ժառանգություն» կուսակցության անդամ Ստեփան Սաֆարյանը
– Նախագահական ընտրություններին “ժառանգության” մասնակցության հարցն արդեն քննարկվե՞լ է:
– Ոչ, մենք հայտարարել ենք, որ մինչև սեպտեմբեր մենք հասարակությանը տեղյակ կպահենք խորհրդարանում և խորհրդարանից դուրս Րաֆֆի Հովհաննիսյանի մասնակցության և մանդատ վերցնել-չվերցնելու և նախագահական ընտրություններում նրա առաջադրման հարցի վերաբերյալ:
– Այսինքն` այս պահին Ր.Հովհաննիսյանը պատգամավոր չի՞ համարվում:
– Ր.Հովհաննիսյանը համարվում է պատգամավոր, պարզապես նա իր կամքով չի ստացել իր մանդատը Կենտրոնական ընտրական հանձնաժողովից:
– Իսկ նա անձեռնմխելի՞ է այս պահին:
– Անշուշտ, պատգամավորն անձեռնմխելի է դառնում, երբ համարվում է ընտրված պատգամավոր, իսկ ԿԸՀ-ն արդեն հայտարարել է, թե ովքեր են այդ ընտրված պատգամավորները:
