Նոր նշանակումներ Հայ Առաքելական եկեղեցում
Գարեգին Բ կաթողիկոսի տնօրինությամբ նոր նշանակումներ են կատարվել Հայ առաքելական սուրբ եկեղեցու թեմերում եւ Մայր Աթոռի Սուրբ Էջմիածնի հոգեւոր կրթական հաստատություններում:
Մայր Աթոռ Ս. Էջմիածնի միաբան Տ. Հարություն աբեղա Կիրակոսյանը, ազատվելով Հառիճավանքի ընծայարանի տեսչի պարտականություններից, ստանձնել է Սեւանի Վազգենյան հոգեւոր դպրանոցի տեսչի պարտականությունները: Հառիճավանքի ընծայարանի տեսուչ է նշանակվել Մայր Աթոռի միաբան, ընծայարանի փոխտեսուչ Տ. Նշան աբեղա Հմայակյանը:
Նոր Նախիջեւանի եւ Ռուսաստանի հայոց թեմից Տ. Խադ քահանա Ղազարյանը ծառայության է կոչվել Բուլղարիայի հայոց թեմում, իսկ նորաօծ Տ. Սեպուհ քահանա Ամիրյանն իր հոգեւոր ծառայությունը կիրականացնի Նոր Նախիջեւանի եւ Ռուսաստանի հայոց թեմում:
