Արշակ Պետրոսյանը ճանաչվել է աշխարհի լավագույն մարզիչ
Շախմատի Հայաստանի հավաքականի մարզիչ Արշակ Պետրոսյանը ճանաչվել է աշխարհի 2011 թվականի լավագույն մարզիչ: ՖԻԴԵ-ի մարզչական խորհուրդը հայ մասնագետին շնորհել է Միխայիլ Բոտվիննիկի անվան մեդալ, հաղորդում է armchess.am-ը:
Հիշեցնենք, որ նախորդ տարի Արշակ Պետրոսյանի գլխավորած շախմատի Հայաստանի հավաքականը Չինաստանի Նինբո քաղաքում նվաճել էր աշխարհի չեմպիոնի տիտղոսը:
Արշակ Պետրոսյանը երկրորդ անգամ է նման պատվի արժանանում: Նա աշխարհի լավագույն մարզիչ էր ճանաչվել նաեւ 2008 թվականին, երբ Հայաստանի հավաքականը դարձել էր օլիմպիական կրկնակի չեմպիոն:
