Թուրքիայում ավերվել է հայկական հերթական գերեզմանատունը (ֆոտո)
Թուրքական Aykırı Doğrular կայքի փոխանցմամբ՝ Թուրքիայում գրանցվել է հայկական գերեզմանատան ավերման հերթական դեպքը:
Այս անգամ դա տեղի է ունեցել Սիիրթ (Սղերթ)-Էրուհ ճանապարհին ընկած քրդական Խերթ անունով գյուղում: Գերեզմանատան ավերումը տեղի է ունեցել Սիիրթ-Էրուհ ավտոճանապարհի կառուցման ժամանակ: Դրա հետևանքով ավերվել են հայերին պատկանող հարյուրավոր տապանաքարեր, մահացածների ոսկորները ցաքուցրիվ են արվել:
Չնայած այդ սարսափելի տեսարանին՝ ճանապարհի կառուցման աշխատանքներն ընթանում են նույն տեմպով: Ավերվել է նաև գերեզմանատան մոտ գտնվող եկեղեցին:
Հիշեցնենք, որ Թուրքիայում հայկական գանձեր որոնողները շարունակ ավերում են հայկական գերեզմանատներն ու եկեղեցիները:
