Իրանում 3 հոգու մահապատժի են ենթարկել բռնաբարության համար
Իրանական ISNA լրատվական գործակալության փոխանցմամբ՝ Իրանի Քերման քաղաքի բանտում մահապատժի է ենթարկվել երեք մարդ: Այս մասին հայտարարել է Քերմանի դատախազությունը:
Վերջինիս հաղորդմամբ՝ մահապատժի ենթարկված անձինք մեղադրվում էին բռնաբարության մեջ: Նրանք ճանապարհին կանգնեցրել են երիտասարդ ընտանիքի ավտոմեքենան, ծեծել են ամուսնուն, իսկ կնոջը տարել անհայտ ուղղությամբ և բռնաբարել են:
Տվյալ գործով բանտում գտնվում է ևս երեք մարդ, որոնց նկատմամբ դատական գործընթացը դեռ շարունակվում է:
