Իրանի արտգործնախարարը ԱՄԷ-ում քննարկել է Սիրիայի հարցը
Իրանական IRNA լրատվական գործակալության փոխանցմամբ՝ Իրանի արտգործնախարար Ալի Աքբար Սալեհին Ճապոնիայում մասնակցել է Աֆղանստանին նվիրված նիստին, որտեղից վերադառնալիս կարճատև այցով մեկնել է ԱՄԷ: Այս մասին հայտարարել է Իրանի ԱԳՆ-ի պաշտոնական ներկայացուցիչ Ռամին Մեհմանպարաստը.
«ԱՄԷ-ում Սալեհին հանդիպել է մի շարք պաշտոնատար անձանց հետ և քննարկել է երկկողմանի հարաբերությունների հարցը, առևտրի ոլորտում համագործակցության զարգացումը, ինչպես նաև ԱՄԷ-ում Իրանի քաղաքացիների տնտեսական գործունեությունը: Բացի այդ, կողմերը քննարկել են նաև տարածաշրջանում տիրող քաղաքական իրավիճակը և մասնավորապես սիրիական հարցը»:
