Ցանկանում են հայկական եկեղեցին վերականգնվի` զբոսաշրջության ակնկալիքով
Թուրքական Ihlas լրատվական գործակալության փոխանցմամբ՝ ակնկալվում է, որ վերականգնվելու է Թուրքիայի հարավարևելյան Հաքքարի նահանգի Յուքսեքօվա շրջանի եկեղեցին, որը դարեր առաջ կառուցվել է տեղի հայերի կողմից:
Իրանի սահմանի մոտ գտնվող այդ եկեղեցին, չնայած դարերի ընթացքում կրած վնասներին, դեռ կանգուն է: Խոսքը նրա պատերի ու տանիքի մասին է: Եկեղեցու շրջակայքում բնակվող գյուղացիները հայտարարել են, թե իրենք ցանկանում են, որ եկեղեցին վերականգնվի:
Նրանք նշում են, որ ցայժմ միայն մեկ անգամ են զբոսաշրջիկներ ժամանել այստեղ՝ տեսնելու համար այդ եկեղեցին, մինչդեռ եթե այն լավ վերանորոգվի ու ճանաչում ստանա, ապա զբոսաշրջիկների թիվը բավական կավելանա:
