Ասադը Թուրքիային մեղադրել է Սիրիայի ներքին գործերին խառնվելու մեջ
Բաշար ալ Ասադը Թուրքիային մեղադրել է Սիրիայի ներքին գործերին խառնվելու մեջ: «Թուրքիայի վարչապետը, շրջանցելով թուրք-սիրիական բարեկամական և եղբայրական հարաբերությունները, Սիրիայի ներքին գործերին խառնվելու կուրս է վերցրել»,-թուրքական «Ջումհյուրիեթ» պարբերականին տված հարցազրույցում ասել է Սիրիայի նախագահը:
Ասադը հավելել է, որ Անկարան սկսել է նյութատեխնիկական աջակցություն ցուցաբերել ապստամբներին: Ասադը Էրդողանին խորհուրդ է տվել, Սիրիայի ներքին գործերին խառնվելու փոխարեն, Թուրքիայի խնդիրներով զբաղվել:
