ՌԴ Հարավային ռազմական օկրուգի ռազմաբազայի ԱԹՍ-ները Հայաստանի զորավարժարաններում հետախուզական թռիչքներ են իրականացրել
Ռուսաստանի դաշնության Հարավային ռազմական օկրուգի Հայաստանում տեղակայված ռազմաբազայի անօդաչու թռչող սարքերը երկկողմ վաշտային մարտավարական զորավարժությունների շրջանակում «Կամխուդ» և «Ալագյազ» զորավարժարաններում պայմանական հակառակորդի կրակակետերի և ռազմական օբյեկտների լուսա և տեսանկարահանման մոնիտորինգի առաջադրանքներ են իրականացրել: Այս մասին ասված է Հարավային ռազմական օկրուգի մամուլի ծառայության տարածած հաղորդագրությունում:
«ԱԹՍ հաշվարկները կատարելագործել են տեղանքի օդային հետախուզման, պայմանական հակառակորդի կենդանի ուժի, օբյեկտների և ռազմական տեխնիկայի հայտնաբերման հմտությունները, որից հետո իրական ժամանակում դրանց կոորդինատները փոխանցել են ռազմաբազայի հրամանատարական կայան:
Անդրկովկասում զորամիավորման ԱԹՍ հաշվարկների հետ պարապմունքների յուրահատկությունն է ծովի մակարդակից ավելի քան 1500 մ բարձրության վրա և քամու մինչև 10 մ/վ պոռթկումների ուժգնության պայմաններում անօդաչու ավիացիոն տեխնիկայի կիրառումը:
Հայաստանում երկկողմ վաշտային մարտավարական զորավարժություններում ընդհանուր առմամբ ներգրավվել է ավելի քան 500 զինծառայող, այդ թվում` ԱԹՍ ավելի քանի 50 մասնագետ, ինչպես նաև շուրջ 100 միավոր ռազմական և հատուկ տեխնիկա»,- ասված է հաղորդագրությունում:
