«Բարսելոնան» կարող է ստորագրել Մինյոլեին
«Լիվերպուլի» դարպասապահ Սիմոն Մինյոլեն կարող է տեղափոխվել Իսպանիայի առաջնություն:
29-ամյա դարպասապահի ծառայություններով հետաքրքրվում է կատալոնական «Բարսելոնան», այս մասին հաղորդում է Sky Sports-ը:
Կատալոնացիները պատրաստվում են ստորագրել բելգիացուն այն դեպքում, եթե թիմից հեռանա Յասփեր Սիլեսենը: Ակումբում կարծում են, որ Սիլեսենը Մարկ-Անդրե Տեր-Շտեգենի մակարդակին համապատասխան փոխարինող չէ:
Նախորդ մրցաշրջանում Մինյոլեն զիջեց իր տեղը Լորիս Կարիուսին մերսիսայդյան ակումբի հիմնական կազմում, իսկ այժմ՝ Ալիսոնի տրանսֆերից հետո, նրա համար թիմում տեղ ունենալն ավելի բարդ է լինելու:
Սիրարփի Աղաբաբյան
