«Ժաննա Գալստյանի կողմից «գյալմա» բառն օգտագործելու համար ստիպված եմ ներողություն խնդրել բոլոր ժամանակներում Արցախում վերաբնակեցված իմ հայրենակիցներից». Արթուր Աղաբեկյան
![](https://168.am/wp-content/uploads/2016/05/Artur-Axabekyan.jpg)
ԼՂՀ ԱԺ պատգամավորի կողմից «գյալմա» բառն օգտագործելու համար ստիպված եմ ներողություն խնդրել բոլոր ժամանակներում Արցախում վերաբնակեցված իմ հայրենակիցներից: Այս մասին իր ֆեյսբուքյան էջում գրել է Արցախի նախագահի խորհրդական, ռազմական, քաղաքական գործիչ Արթուր Աղաբեկյանը:
«Արցախ Հանրապետության Ազգային Ժողովում տեղի ունեցած տհաճ միջադեպի առթիվ դեռ երեկ պետք է արտահայտվեի, սակայն տեխնիկական պատճառներից ելնելով՝ այսօր եմ արտահայտում կարծիքս. տիկին Ժաննա, մեկ անգամ առիթ եմ ունեցել ձեր արտահայտությունների համար նախատելու ձեզ:
Ստիպված եմ ձեր անհարիր պահվածքի և արտահայտության («գյալմա»՝ եկվոր բառն օգտագործելու) համար ներողություն խնդրել բոլոր ժամանակների Արցախում վերաբնակեցված իմ հայրենակիցներից: Եվ հավատացեք՝ քաղաքականությունը ձեր տեղը չէ, թողեք այն ու հեռացեք»,- գրում է Արթուր Աղաբեկյանը: