Իրանի խոշոր նավթամշակման գործարանում բռնկած հրդեհից մարդ է զոհվել. կան տասնյակ վիրավորներ
Իրանի Աբադանի նահանգի խոշոր նավթամշակման գործարանում բռնկած հրդեհից մարդ է զոհվել, վիրավորվել է 18 հոգի: Այդ մասին հայտնել է ISNA գործակալությունը:
«Միջադեպի հետեւանքով տուժել է 18 մարդ, նրանցից ութին ամբուլատոր օգնություն է ցուցաբերվել: Եվս մեկ մարդ զոհվել է»,- գործակալությանը հայտնել է արտակարգ բժշկական օգնության տեղական ծառայության ղեկավար Շահյար Միրհեշթին:
Հրդեհը, որը գիշերը բռնկել էր աշխարհի խոշորագույն նավթամշակման գործարաններից մեկում, այս պահին արդեն մարված է: Ներկայում պարզվում են հրդեհի պատճառները, հաղորդել է ՌԻԱ Նովոստին:
