Մանրամասներ՝ Երևանում տեղի ունեցած պայթյունի դեպքից
Հունիսի 27-ին, ժամը 09:18-ին «911» ծառայությանն ահազանգ է ստացվել, որ Երևան քաղաքի Զորավար Անդրանիկի փողոցում՝ թիվ 94 շենքի մոտակայքում, ավտոմեքենայում տեղի է ունեցել պայթյուն. անհրաժեշտ է փրկարարների օգնությունը:
Դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից երկու մարտական հաշվարկ, «Աղետների բժշկության կենտրոն» ՊՈԱԿ-ի հերթապահ բժիշկը, Ճգնաժամային կառավարման ազգային կենտրոնի օպերատիվ խումբը և Հոգեբանական աջակցության բաժնի հոգեբանական խորհրդատվության գծով հրահանգիչը:
Պարզվել է, որ «BMW 525» մակնիշի ավտոմեքենայում (վարորդը՝ Կ. Ս., ծնված 1983 թ.) տեղի է ունեցել պայթյուն: Հրդեհի հետևանքով վնասվել է ավտոմեքենայի սրահը (դռներ, ապակիներ, տանիք): Վարորդը տարբեր բնույթի այրվածքներով հոսպիտալացվել է «Ճառագայթային բժշկության և այրվածքների կետրոն» ՓԲԸ, որտեղ բժիշկները տուժածի առողջական վիճակը գնահատել են բավարար:
Փրկարարները փակել են գազի բալոնի փականը և հոսանքազրկել ավտոմեքենան:
