«Վարչական դատարանները ծանրաբեռնվել են իրենց ոչ բնորոշ գործերով». Գագիկ Հարությունյան
Հայաստանում վարչական դատարանները ծանրաբեռնվել են իրենց ոչ բնորոշ վարչական արդարադատության գործերով:
Հունիսի 26-ին «Վարչական արդարադատության ձևավորումն ու զարգացումը Հայաստանի Հանրապետությունում» թեմայով քննարկման ժամանակ նման կարծիք հայտնեց ՀՀ բարձրագույն դատական խորհրդի նախագահ Գագիկ Հարությունյանը:
«Այսօր վարչական դատարանում գործերի 70 տոկոսը ոստիկանության դեմ ներկայացված տույժերի, տուգաքների բողոքարկումներն են , որոնց 50 տոկոսը բավարարվում է»,- ասաց Հարությունյանը:
Նրա կարծիքով` Հայաստանում մինչև հիմա լուրջ մակարդակի չի դրվել արդարադատության ծախսատարության գնահատման խնդիրը:
«Մոտավորապես 50 միլիոն դրամի տույժ, տուգանքներից քաղաքացիներից ազատելու համար պետությունը բյուջեից ծախսում է մոտավորապես 300 միլիոն դրամ: Եթե մենք գնահատենք արդյունավետության տեսակետից՝ վնասաբերության աստիճանը գրեթե քառապտիկ է»,- ասաց Հարությունյանը:
ԲԴԽ նախագահը կարծում է, որ խնդիրը լուծելու համար Հայաստանում պետք է կատարելագործվի վարչական վարույթների ինստիտուտը և բարձրացվի այդ ակտերի որակը:
