Ռուսական ռազմակայանի երիտասարդ հրետանավորները հրաձգության հմտություններ կյուրացնեն Հայաստանի լեռներում
«Ալագյազ» բարձրլեռնային զորավարժարանում սկսվել է Հայաստանի ռուսական ռազմակայանի հրետանային ստորաբաժանման՝ նոր ժամանած զինծառայողների պատրաստումն ուսուցման նոր մեթոդիկայով, որը մշակվել է արդի զինված հակամարտություններում հրետանու կիրառման փորձի վրա:
Մեկ ամսում հրետանավորները կյուրացնեն հրաձգության ունակությունները եւ կկատարեն «Գվոզդիկա» ինքնագնաց հաուբիցները, «Գրադ» համազարկային կրակի ռեակտիվ համակարգերը, «Պոդնոս» ականանետներն ու «Կոնկուրս» հրթիռային հակատանկային համալիրները երթայինից մարտական դիրքի բերելու նորմատիվները:
Ուսուցման ամառային շրջանում զորամիավորման հրետանավորները կյուրացնեն կրակային ուսումնամարտական առաջադրանքների կատարման նոր ձեւերն ու միջոցներն «Էքստրեմալ» շոգ կլիմայով բարձրլեռնային տեղանքի պայմաններում, որոնք ազդում են հրանոթներով հրաձգության ձգաբանական բնութագրերի վրա: Միավորման երիտասարդ հրետանավորների ուսուցմանը մասնակցում են ավելի քան 200 զինծառայողներ եւ գործի է դրված շուրջ 100 միավոր ռազմական տեխնիկա:
