Ջրաշխարհի մոտ մեքենան ամբողջությամբ այրվել է
Հունիսի 18-ին՝ ժամը 19:38-ին, «911» ծառայությանն ահազանգ է ստացվել, որ Երևան քաղաքի Մյասնիկյան պողոտայում՝ Ջրաշխարհի մոտակայքում, այրվում է ավտոմեքենա: Անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից երկու մարտական հաշվարկ:
Հրդեհը մեկուսացվել է ժամը 19:50-ին, մարվել՝ 19:57-ին:
Ամբողջությամբ այրվել է «Opel Astra G» մակնիշի ավտոմեքենան (վարորդը՝ Ա. Մ.): Տուժածներ չկան:
