Սերգեյ Մարկեդոնովը հյուրընկալվել է Լևոն Տեր-Պետրոսյանին ու համտեսել նրա աճեցրած ծիրանները
Ռուսաստանցի հայտնի քաղաքագետ Սերգեյ Մարկեդոնովը ֆեյսբուքյան իր էջում գրել է Երեւանում Կովկաս ինստիտուտի կազմակերպած «Կովկաս 2017» համաժողովին մասնակցելու օրերին հանդիպել է ՀՀ առաջին նախագահ Լեւոն Տեր-Պետրոսյանի հետ։
«Երևանյան այցիս վերջին օրը հանդիպում ունեցա Հայաստանի առաջին նախագահ Լեւոն Տեր-Պետրոսյանի հետ։ Եղա նրա նստավայրում, հարցերի լայն շրջանակ քննարկեցինք (հայ-ռուսական հարաբերություններ, Լեռնային Ղարաբաղի կարգավորում, Հայաստանի իրավիճակն ու միջազգային իրադրությունը)»,- գրում է նա։
Նա նաև տեղեկացնում է, որ Լևոն Տեր-Պետրոսյանից նվեր է ստացել նրա հեղինակային գիրքը ու վայելել է նախագահական հյուրընկալությունը՝ համտեսելով ՀՀ առաջին նախագահի ձեռքով սեփական այգում աճեցրած ծիրանը։
