Առաջին ցմահ դատապարտյալը՝ իրավաբան
Մայիսի 18-ին, ՀՀ ԱՆ «Նուբարաշեն» քրեակատարողական հիմնարկում տեղի ունեցավ ցմահ ազատազրկման դատապարտված, Հայ-ռուսական (Սլավոնական) համալսարանի իրավունքի և քաղաքականության ինստիտուտի «Իրավագիտություն» ուղղության հեռակա բաժնի ուսանող Մհեր Ենոքյանի մասնագիտական ավարտական թեզի պաշտպանությունը:
Թեզի պաշտպանությունն անցավ բավական ուշագրավ և հարցաշատ մթնոլորտում:
Ավարտին Մհեր Ենոքյանն իր շնորհակալությունը հայտնեց Հայ-ռուսական (Սլավոնական) համալսարանի դասախոսական կազմին, Քրեակատարողական ծառայությանը, «Նուբարաշեն» քրեակատարողական հիմնարկի վարչակազմին՝ ուսումնառության տարիներին քննությունների կազմակերպման, դասաժամերի տրամադրման, ժամաքանակի վերանայման հարցերում մշտապես աջակցություն ցուցաբերելու համար: Իր շնորհակալությունը հայտնեց նաև լրատվամիջոցներին՝ օբյեկտիվ քննարկումների համար:
Նշենք, որ Մհեր Ենոքյանը հետխորհրդային երկրներում առաջին ցմահ դատապարտյալն է, որ ստանում է իրավաբանի որակավորում:
