ԱՄՆ-ի Disney World-ում այժմ կարելի է անվճար սնվել
Միացյալ Նահանգների Disney World-ն անվճար կկերակրի այն հյուրերին, ովքեր կիջեւանեն ժամանցային կենտրոնի ցանկացած հյուրանոցում: Այդ մասին հայտնել է Travel Pulse-ը:
Սննդի երկու լիարժեք ընդունում եւ երկու թեթեւ միջճաշիկներ կստանա յուրաքանչյուր հյուր, ով ժամանցային կենտրոնի հյուրանոցում կանգ կառնի վեց օրով եւ կօգտվի կենտրոնի չորս զբոսայգիներ այցելության Park Hopper տոմսից:
Այս տարի Disney World-ի զբոսայգիներից մեկը՝ «Կենդանիների թագավորությունը», նշում է իր քսանամյակը, եւ բոլոր զբոսաշրջիկներին կարելի է խորհուրդ տալ տեսնել Օգոստոսին՝ առաջին գետաձիուն, որը ծնվել է այստեղ 13 տարվա ընթացքում:
