Փրկարարները անօգնական վիճակում գտնվող քաղաքացու են հայտնաբերել
Մարտի 1-ին, ժամը 11:26-ին ահազանգ է ստացվել, որ Երևան քաղաքի Մոլդովական փողոցի թիվ 26/1 շենքի բնակարաններից մեկում քաղաքացին ընկել է և չի կարողանում ինքնուրույն մոտենալ և բացել բնակարանի դուռը. անհրաժեշտ է փրկարարների օգնությունը:
Դեպքի վայր է մեկնել հատուկ նշանակության փրկարարական աշխատանքներ իրականացնող կենտրոնի փրկարարական ջոկատը:
Փրկարարները բացել են բնակարանի դուռը և հյուրասենյանի հատակին՝ անօգնական վիճակում, հայտնաբերել՝ 1932 թ. ծնված Մ. Ս.-ին, ում փրկարարները տեղափոխել են բազմոցի վրա (քաղաքացին հրաժարվել է բուժօգնությունից):
