Ռանիերին կհեռանա «Նանտից» Իտալիայի հավաքականի համար
«Նանտի» գլխավոր մարզիչ Կլաուդիո Ռանիերին կարող է գլխավորել հարազատ ազգային հավաքականը: Չեմպիոնական «Լեսթերի» նախկին գլխավոր մարզիչ Կլաուդիո Ռանիերին ցանկություն է հայտնել գլխավորելու Իտալիայի հավաքականը:
Ըստ Goal-ի տեղեկության՝ 66-ամյա իտալացին բանակցություններ է վարում իր ներկայիս թիմի՝ ֆրանսիական «Նանտի» հետ, որպեսզի հեռանա ակումբից և գլխավորի Իտալիայի հավաքականը:
Հիշեցնենք, որ Իտալիայի հավաքականը մնաց առանց մարզչի Ջամպիերո Վենտուրայի հեռացումից հետո, ով չկարողացավ Իտալիայի հավաքականի համար հայթայթել ԱԱ-2018-ի ուղեգիր: Այս ամիս հավաքականի գլխավոր մարզչի ժամանակավոր պաշտոնակատար նշանակվեց Լուիջի Դի Բիաջիոն:
Պատրաստեց Անի Գաբուզյանը
