Մխիթարյանը Եվրոպայի լիգային կմասնակցի 77 համարի մարզաշապիկով
Հայտնի է, թե որ համարով հանդես կգա Հայաստանի ազգային թիմի ավագ Հենրիխ Մխիթարյանը Եվրոպայի լիգայում:
Ինչպես հաղորդում է «զինագործների» մամուլի ծառայությունը, Մխիթարյանը Եվրոպայի լիգայում հանդես կգա 77 համարի ներքո:
Մխիթարյանը չի կարող հանդես գալ իր 7 համարի մարզաշապիկով, քանի որ այդ համարի խաղաշապիկով լոնդոնցիների կազմում Եվրոպա Լիգայի ընթացիկ մրցաշրջանի խմբային փուլում արդեն հանդես է եկել Ալեքսիս Սանչեսը և մրցաշարի օրենքները թույլ չեն տալիս, որ հայ կիսապաշտպանը կրի նույն համարի խաղաշապիկը՝ ընթացիկ մրցաշրջանում:
