«Շատ ուրախ եմ, որ վերջապես միացա Միկիին». Օբամեյանգ
Լոնդոնի «Արսենալը» ևս մեկ նորեկ ունի՝ գաբոնցի հարձակվող Պիեր-Էմերիկ Օբամեյանգը: Մինչ Օբամեյանգի տեղափոխությունը, շատերը խոսում էին այն մասին, որ կրկին կվերամիավորվի Օբամեյանգ-Մխիթարյան շատ արդյունավետ զույգը: Օբամեյանգի ֆոտոշարքի նկարահանումներից հետո լոնդոնյան ակումբի պաշտոնական կայքը տարածեց լուսանկար և տեսանյութ, որտեղ երևում է, թե ինչ ուրախությամբ է Մխիթարյանը դիմավորում Օբամեյանգին:
Լոնդոնյան ակումբի լրագրողներին տված իր առաջին հարցազրույցում գաբոնցի ֆուտբոլիստը խոսել է Մխիթարյանի մասին: «Շատ ուրախ եմ, որ այստեղ եմ, շատ ուրախ եմ, որ վերջապես միացա Միկիին»,- նշել է գաբոնցի ֆուտբոլիստը:
Օբամեյանգը, ինչպես և Մխիթարյանը, նշել է, որ լոնդոնյան ակումբի մասին խոսելիս՝ առաջինը հիշում է Թիերի Անրիին: Օբամեյանգը հույս է հայտնել, որ կկարողանա օգնել թիմին հասնել նվաճումների և վերադարձնել առաջին հորիզոնականը բոլոր մրցաշարերում:
Սիրարփի Աղաբաբյան
