«Կվերադառնամ անգամ 60 տարեկանում, եթե լինի դրա կարիքը». Բուֆֆոն
«Յուվենթուսի» դարպասապահ Ջանլուիջի Բուֆոնը, ով հայտարարել էր Իտալիայի հավաքականից հեռանալու մասին, նշել է, որ միշտ կաջակցի հավաքականին և կփորձի օգնել՝ ինչով հնարավոր է:
Բուֆֆոնը նշել է, որ հեռացել է հավաքականից, քանի որ հանգստի կարիք ուներ: Սակայն, եթե Իտալիան ունենա դարպասապահի խնդիր, ապա նա պատրաստ է վերադառնալ անգամ 60 տարեկանում: «Կվերադառնամ անգամ 60 տարեկանում, եթե լինի դրա կարիքը: Ես հիմա չեմ կարող խաղալ այնպես, ինչպես նախորդ տարիներին, սակայն միշտ պատրաստ եմ օգնել հավաքականին»,- նշել է Բուֆֆոնը:
Ավելի վաղ 39-ամյա դարպասապահը նշել էր, որ մրցաշրջանի ավարտին կհեռանա մեծ ֆուտբոլից:
Սիրարփի Աղաբաբյան
