Իսպանիայի վարչապետն անհեթեթ է համարել ԵՄ-ից Կատալոնիայի դուրս գալու հնարավորությունը
Իսպանիայի կառավարության նախագահ Մարիանո Ռախոյն անհեթեթ է համարել Եվրամիության (ԵՄ) կազմից Կատալոնիայի հնարավոր դուրս գալու գաղափարը: Այս մասին, իչպես հայտնել է EFE գործակալությունը, նա հայտարարել է նոյեմբերի 27-ին։
Ավելի վաղ Կատալոնիայի ղեկավարի պաշտոնից հեռացված Կառլես Պուչդեմոնը պնդել է, որ ինքնավար մարզի բնակիչները պետք է քվեարկեն Եվրամիությանը տարածաշրջանի անդամակցության հարցի շուրջը: Իսպանիայի կառավարության ղեկավարի կարծիքով՝ «անհեթեթ է հավակնել, թե Կատալոնիան դուրս կգա Եվրամիության կազմից»:
«Այս պահին պետք է խոսի ժողովուրդը, այլ ոչ թե նա (Պուչդեմոնը)»,- նշել է Ռախոյը: Վարչապետը հավաստել է, որ եկող տարվա համար համախառն ներքին արդյունքի կանխատեսումը կազմում է 2,3 տոկոս: Սակայն, նախարարների կաբինետի ղեկավարի խոսքով՝ գոյություն ունի հավանականություն, որ ցուցանիշը կհասնի 3 տոկոսի նշագծին, եթե «հանգիստ, նորմալ եւ կայուն» իրադրությունը վերադառնա Կատալոնիա: «Ահա թե ինչու են այդքան կարեւոր օրենքն ու Սահմանադրությունը, եւ այդքան ծիծաղելի այն, ինչ ոմանք անում են, որպեսզի օրենքը հակադրեն ժողովրդավարությանը, քանի որ առանց օրենքի չկա ժողովրդավարություն»,- նշել է Ռախոյը, հաղորդել է ՏԱՍՍ-ը:
