Հայաստանում սկսվել են ռուսական ռազմակայանի սակրավորների հավաքները
Հայաստանի ռուսական ռազմակայանում հրահանգչա-մեթոդական պարապմունքներ են սկսվել ինժեներա-սակրավորական ստորաբաժանման զինծառայողների հետ:
Սակրավորների հավաքներն անցկացվում են ինժեներային ծառայության պետի ղեկավարման ներքո նոր ուսումնական շրջանին պատրաստվելու շրջանակներում եւ կշարունակվեն մեկ շաբաթ:
Տեսական պարապմունքների ընթացքում զինծառայողները կուսումնասիրեն ժամանակակից ականորսիչների տակտիկա-տեխնիկական բնութագրերը, տարբեր պայթուցիկ նյութերի բաղադրությունն ու բնույթը, մարտական պատրաստության պարապմունքների ընթացքում պայթյունավտանգ առարկաների որոնման, հայտնաբերման եւ ոչնչացման գործողությունների ալգորիթմները:
Պրակտիկ գործությունների ուսումնասիրման թնթացքում սակրավորները կսովորեն 30-ից ավելի նորմատիվներ կատարել «Կամխուդ» եւ «Ալագյազ» զինափորձարաններում պայթյունավտանգ առարկաների որոնման գծով:
Պարապմունքները կանցկացվեն ինժեներա-սակրավորական խմբերի կազմում ԻՄՊ-2 ժամանակակից ականորսիչների, ՕՎՌ-2 «Սոկոլ» պաշտպանական հագուստի եւ հատուկ վարժեցված շների օգտագործմամբ: Ինչպես նշել են մամուլի ծառայությունում, ընդամենը պարապմունքներում ներգրավված են հարյուրից ավելի զինծառայողներ եւ ավելի քան 20 միավոր ռազմական տեխնիկա:
